ل ڕۆژا چوارشه‌مبێ رَێكه‌ڤتى 24/02/2021 ب ئاماده‌بوونا وه‌زیره‌َ خواندنا بلند و ڤه‌كۆلینێن زانستى دكتۆر ئارام محمد قادر و وه‌زیرێ په‌وه‌رده ئالان حه‌مه سه‌عید و دكتۆر پشتیوان سادق وه‌زیرێ ئه‌وقافێ و ستافێ هه‌ردوو وه‌زاره‌تان و چه‌ندین كه‌سایه‌تیێن سیاسى یێن هه‌رێما كوردستانێ لژێر ناڤێ (ڕیفۆرمى خوێندنى پیشەیى وەزى گەنجان ئاوێتەى بازاڕى کارى کوردستان دەکات) و (سیستمى وەرگرتنى هاوچەرخ زامنى پەرەپێدانى تواناى داهێنانە) ئێكه‌م دیدارا هاوبه‌ش یا هه‌ردوو وه‌زاره‌تێن ناڤبرى هاته ئه‌نجامدان.
لده‌ستپێكا دیدارێ گۆتارا لیژنا ئاماده‌كار ژلایێ دكتۆر عبدالفتاح عبدالرزاق بریكارێ وه‌زاره‌تا خواندنا بلند و ڤه‌كۆلینێن زانستى هاته پێشكێشكرن، كو بخێرهاتنا هه‌مى ئاماده‌بوویان ژى كر. هه‌روه‌سا دكتۆر ئارام محمد قادر وه‌زیرێ خواندنا بلند خۆشحالییا خۆ ده‌ربرى ب ئه‌نجامدانا ئێكم دیدارا هاوبه‌ش و هیڤه خواست كو ئه‌ڤ دیداره ببیته دیبه‌یته‌كا نشتیمانى بنیاتنه‌ر بۆ گرفتێن پرۆسا په‌روه‌ردێ و سیسته‌مێ وه‌رگرتنا پیشه‌یى ل هه‌رێما كوردستانێ.
هه‌روه‌سا دكتۆر ئارامى پتر دا دیاركرن ، كو ئه‌گه‌ر ڤیان لسه‌ر سیسته‌مه‌كێ گونجاى و باش هه‌بیت پێدڤییه لسه‌ر هه‌ر لایه‌نه‌كى هه‌مى پێكڤه كاربكه‌ن بۆ دارشتنا نه‌خشه رێكه‌كا هه‌ڤبه‌ش بۆ ریفرۆما راستییا ڤى كه‌رتێ وه‌سا یێ گرنگ.دكتۆرى پتر ئاماژه بوێ چه‌ندێ ژى د، كو فه‌لسه‌فه و سیسته‌مێ خواندنێ و سیسته‌مێ وه‌رگرتنێ ل زانكۆ و په‌یمانگه‌هان پرسیاره‌كا مه‌زن لسه‌ره و ئه‌ڤ هه‌مى پرسیاره ڤه‌كۆلینێن هووربین و ده‌مه‌كێ نشتیمانى بۆ دڤێن.
هه‌ژییه بێژین، كو وه‌زیرێ په‌روه‌رده ژى گۆتارا خۆ پێشكێشكر و په‌ندین بابه‌تێن هاوشێوه هاتنه باسكرن.
بۆ دیتنا بابه‌ت و زانینێن زێده‌تر سه‌ره‌دانا مالپه‌رێ حكومه‌تا هه‌رێما كوردستانێ بكه‌ن:
دیدارا هاوبه‌ش یا وه‌زاره‌تا خواندنا بلند و وه‌زاره‌تا په‌روه‌رده
